Perfformiad

Mae Llywodraeth Cymru yn gosod safonau perfformio mae landlordiaid cymdeithasol yng Nghymru fod i'w cyrraedd.

Maen't wedi dweud yn glir eu bod yn disgwyl in i berfformio mewn 10 maes allweddol er mwyn bod yn effeithiol fel landlord cymdeithasol.

Er mwyn dangos hyn rydym yn hunan arfarnu yn flynyddol yn erbyn pob un or maesydd perfformio mae Llywodraeth Cymru yn eu gosod.

Mae ein barn ni o'n hunan arfarniad diweddaraf i'w weld yn Natganiad Hunanarfarniad CCG.

Rydym eisiau gwybod beth yw barn ein tenantiaid ni ar ein perfformiad. Er mwyn ein helpu i ddarganfod hyn rydym wedi cyd-weitiho gyda asiantaeth ymchwil i holi dros 125 o denantiaid pob mis am eu profiad gyda ni.

Rydym yn defnyddio'r adborth yma i wella ein gwasanaethau.
Mewn geiriau eraill gwneud mwy o beth rydych yn ei hoffi a llai o'r hyn nad ydych yn ei hoffi.

Mae'r adborth rydym yn ei dderbyn a phob arlowg sydd yn cael ei gynnal gan Landlordiaid Tai Cymdeithasol Cofrestredig yng Nghymru yn cael eu monitro gan Lywodraeth Cymru.

Er mwyn i'n tenantiaid, pobl sydd yn cysidro bod yn denant, sefydliadau eraill sydd a diddoedeb ynom ni ac unigolion allu cymharu sut mae tenantiaid yn teimlo am ein gwasanaeth, mae Llywodraeth Cymru wedi lawnsio Adnodd Cymharu Cymdeithasau Tai newydd.

Mae'r adnodd yma yn eich galluogi i gymharu materion megis faint o stoc sydd ganddynt, perfformiad cyllidol ac adborth tenantiaid landlordiaid yng Nghymru

Dros gyfnod Haf 2017 bu cyfres o ymweliadau stad o amgylch ein stadau. Yn ystod yr wyth diwrnod fe aethom i ymweld a 672 o eiddo, a cawsom ymateb mewn 306 ohonynt.

Mae’r graff isod yn dangos yr ymatebion a gafwyd ymhob ardal:

Yn ystod yr ymweliadiau roedd y tenantiaid yn cael cyfle i godi unrhyw achos ychwanegol. Mae'r graff isod yn dangos y ceisiadau am y gwahanol wasanaethau:

Bydd cyfres arall o ymweliadau stad yn cael eu cynnal yn ystod Haf 2018. Cliciwch yma i weld y dyddiadur.

Pa bynnag ffordd yr ydych yn ymgysylltu gyda ni, rydym wedi ymrwymo i wrando a gweithredu ar eich adborth lle bynnag o bo’n bosib. Dyma ychydig o’r newidiadau yr ydym wedi eu rhoi ar waith yn dilyn cwynion:

Ail adrodd gwaith Trwsio

Dywedoch chi: Mae gweithwyr yn ail ymweld a’r un gwaith trwsio ond dydi’r broblem heb ei ddatrys.

Ein hymateb ni: Os ydym wedi ceisio gwaith trwsio ddwywaith o fewn chwe mis ond mae’r broblem yn dal i barhau, bydd yn cael ei ddyrchafu at reolwr er mwyn sicrhau ei fod yn cael ei ddatrys a bod y gwaith yn cael ei gwblhau yn llwyddiannus.

Cyfathrebu Mewnol

Dywedoch chi: Mae diffyg cyfathrebu mewnol yn ganolbwynt i gwynion ac anfodlonrwydd.

Ein hymateb ni: Rydym wedi adleoli canran uchel o’n staff i un swyddfa canolog ac yn gweithio gyda gwasanaethau i wella prosesau er mwyn cynnig gwasanaeth mwy effeithlon.

Tenantiaid Newydd

Dywedoch chi: Tydi tenantiaid sy’n symud i mewn i’w cartrefi newydd ddim wastad yn cael y cyfle i weld yr eiddo cyn cytuno i’w dderbyn.

Ein hymateb ni: O hyn ymlaen mae pob tenant sydd yn cael cynnig eiddo yn cael y cyfle i weld yr eiddo cyn ei dderbyn.

Tamprwydd a Cyddwysedd

Dywedoch chi: Mae tamprwydd neu gyddwysedd yn broblem.

Ein hymateb ni: Rydym wedi darparu hyfforddiant i’n swyddogion cynnal a chadw i wneud gwell diagnosis ar wraidd y tamprwydd neu’r cyddwysedd a sut orau i’w waredu. Mae hyn yn hanfodol i wella’r gwasanaeth rydym yn gynnig i’n tenantiaid.

Lon Abererch, Pwllheli

Dywedoch chi: Bod problemau yn dilyn gwaith y contractwyr, Wates. Nododd nifer helaeth bod snaggio mewnol, fel stripedi grip carped a'r llwybrau blaen wedi eu gwneud i safon isel.

Ein hymatyeb ni: Mae'r tîm Asedau wedi cyfarfod gyda’r contractwyr ac maent am ymweld a bob eiddo yn unigol i wneud y gwaith sydd angen.

Gwasanaeth Torri Gwair

Dywedoch chi: Nifer o erddi heb gael yr un toriad yn ystod y tymor gyda nifer o denantiaid yn gorfod talu'n breifat am gael torri'r gwair.

Ein hymateb ni: Mae'r tîm Cleient yn sicrhau fod pob eiddo sydd wedi codi cwyn wedi cofrestru am y gwasanaeth. Toedd nifer helaeth o'r eiddo heb ail-gofrestru am y gwasanaeth. Er mwyn hyrwyddo'r gwasanaeth a'r dull cofrestru, rydym wedi hyrwyddo ar ein cyfryngau cymdeithasol a'n Newyddlen Tenantiaid.

Mae CCG wedi ei gofrestru ac yn cael ei reoleiddio gan Llywodraeth Cymru. Mae’r llywodraeth yn gweithio gyda cymdeithasau tai er mwyn sicrhau safon gwasanaeth ar gyfer tenant ac i sicrhau eu bod yn cael eu Llywodraethu yn effeithiol.

Mae’r dulliau sydd yn cael eu defnyddio yn amrywio ac yn gallu cynnwys: gwybodaeth sydd yn cael ei ddarparu drwy ffurf hunan-arfarniad gan pob cymdeithas, trafodaethau gyda tenantiaid, ac adolygu cynlluniau busnes.

Mae’r adroddiad yma yn amlinellu adroddiad Llywodraeth Cymru ac yn darparu lefelau perfformiad yn erbyn y Safonau Perfformiad yn ymwneud a:

• Gwasanaethau landlord
• Llywodraethu a rheolaethau ariannol

Cafodd Fframwaith Arfarnu Reoleiddiol newydd ei gyflwyno ar y 1af o Ionawr 2017 a’i dreialu drwy’r flwyddyn. Mae’r dull newydd diwygiedig hwn yn rhoi ffocws ar gwelliant parhaus gyda arfarniad rheoleiddiol clir. Mae mesurydd perfformiad newydd hefyd wedi eu cyflwyno gyda’r bwriad o gyfarch y Fframwaith Reoleiddiol newydd. Mae’r gwaith asesu reoleiddiol yn dilyn yr ymagwedd newydd at reoleiddio sydd yn canolbwyntio ar risg, sydd 6yn ceisio adnabod cryfderau yn ogystal a meysydd ar gyfer gwella.

Mae’r ffocws yn seiliedig ar risgiau strategol a materion hyfywedd busnes, yn ogystal a llywodraethu da, yn benodol ar sut mae’r Bwrdd yn derbyn sicrwydd bod ei prif gyfrifoldeb o sicrhau bod y LCC yn cael ei redeg yn llawn ac yn cael ei gyflawni yn gywir.

Barn Rheoleiddiol Llywodraeth Cymru

Mae Cartrefi Cymunedol Gwynedd yn cael ei reoleiddio gan Llywodraeth Cymru yn ymwneud gyda darpariaeth tai a materion yn ymwneud a llywodraethu a rheoleiddio ariannol.

Fel rhan o’r broses reoleiddio maen ofynnol bod Cartrefi Cymunedol Gwynedd yn hunan arfarnu ei weithgareddau er mwyn profi sut rydym yn cyrraedd gofynion y canllawiau perthnasol. Mae’r hunan arfarniad a’r Datganiad o Gydymffurfio yn cael ei rannu gyda Tim Rheoleiddio Tai Llywodraeth Cymru ac yn cael ei ddiweddaru yn gyson gan CCG.

Yn dilyn eu hasesiad, mae Tim Rheoleiddio Tai Llywodraeth Cymru yn cyhoeddi eu adroddiad Barn Reoleiddiol,. Sydd ar gael i’w lawrlwytho isod, mae’r adroddiad yn gosod Barn Reoleiddiol Llywodraeth Cymru ac wedi ei ddylunio i ddarparu CCG, tenantiaid, defnyddwyr gwasanaeth a rhanddeiliaid eraill gyda dealltwriaeth o pa mor dda rydym yn perfformio yn erbyn y safonau perfformiad yn ymwneud a:

• Llywodraethu a Gwasanaethau
• Hyfywedd Ariannol

Mae’r arfarniad yn syrthio i fewn i un o’r pedwar categori canlynol “Safonol”; “Cynyddol”; “Ymyrraeth” neu “Gweithredu Statudol”. Cafodd CCG y farn “Safonol” sydd yn golygu bod CCG yn adnabod ac yn rheoli risgiau presennol a risgiau fydd yn codi yn bwrpasol, a bod gan CCG yr adnoddau pwrpasol ar gyfer cyrraedd gofynion ein ymroddiadau busnes ac ariannol ar gyfer y dyfodol – mae hyn yn gasgliad addawol iawn.

Lawr lwythwch y Barn Rheoleiddiol

Ein hymrwymiad tuag at iechyd, diogelwch, ansawdd a'r amglylchedd

Datganiad Polisi Iechyd a Diogelwch

Datganiad Polisi Ansawdd

Datganiad Polisi Amgylcheddol